ارفع راسك يا شهيد ، يوم استشهادك يوم عيد


ياك حنا اللي ضحينا بواليدينا من أجل الصحرا
ولا من ينصفنا فهاذ المِحنة
ملي نت صغير تمرض تقول ليك الميمة غير صبر دابا تبرا
غاب الأب أو زادونا هوما طحنة
خلاوا الأرملة بوحدها عطاتها للجرا
حالها وحال ولادها زاد ليها طعنة
قرا انت أولآّ گاع لا تقرا
واش روح الشهيد ليها عندهم شي معنى ؟!!
أُذيك الأرملة عندهوم ما هي غير ذيك المرا
اللي راجلها دفناه لهيه ولا هنا
مَرْضَات تبرا گاع ولآّ گاع لا تبْرا
تعيش الويل ما تلقى لا راحة ولا هنا
ما بغاووا إشبعوا صحابنا من ذيك الشّٓفْرا
وحنا بيهوم شحال هذي عقْنا
أرامل كثار اللي باقيين فالكرا
والشفار ما كْفاتو ڤيلات ناسي الفْنا
يا خويا ياك عرفتي أشنو طْرا

باعوا الوطن بفلوس حفنة

باعوا الوطن بفلوس حفنة
باعوا الوطن بفلوس حفنة .

رشيد العيرج                                                   

Publier un commentaire

0 Commentaires